23 jirkan oo ay isag iyo kooxda Manchester united isula meel dhigeen heshiiska shaqsiga ah ayaa hadana ay Manchester united u baahan tahay inay kala heshiiso kooxdiisa hada ee PSG oo xigigan ku doonaysa 59 million oo Ginni.
Si ay taasi u dhacdana waxay United ku qasbanaan doontaa in ay fasaxdo qaarkamida ciyaartoydeeda oo ay uga sameeyaan dhaqaalihii ay kula soo wareegi lahaayeen Ugarte.
Xidigani waxa uu PSG ku soo biiray xagiigii hore oo uu uga soo wareegay kooxda Lisbon oo uu u soo ciyaaray labo xiliciyaareed.
Waxa uu usaftay kooxdiisa haaten ee PSG 37 kulan wuxuuna kula guulaystay sadex koob.
Waxaa laga yaabaa in United ay fasaxdo xidigeheeda khadka dhexe ee Casemiro ama Mc Tominay si ay boos ugu helaan ciyaartoygan cusub.
Waxa ay warbaahinta ingiriisku qorayaan in ay ubadantahay in ay fasaxaan Casemiro oo dadiisu ay tahay 32 jir kooxdana usbuucii uga xaadira mushar dhan £375 kun taas oo ay kooxda faaiido ugu jirto madaama musharkiisa badani meesha ka bixi doono isagana ay ku iibin karaan in ka badan 25 million oo Ginni.
Waxaana lala xidhiidhinayaa xidigan heerka caalami ahi in uu dalabyo ka helayo dhankaas iyo Sucuudiga.
Dhanka kale Manchester united waxay diiday dalb uga yimi Fulham oo doonaysay Mc Tominay sababo la xidhiidha in aanay Fulham dalabkeedii koowaad ahayn mid gaadhsiisan £30 million.
Si kastaba TenHaag wuxuu rabaa in uu kooxda ka xoojiyo khadka dhexe isagoo beegsanaya ciyaartoy dadoodu aanay weyneyn tayo sarena leh.